🗣 seaji

🗣 Abuun`ar bøseaji ka iaam khvoarzøx peqthngg, ciuxafnnef khad khix zhafm kapy, sidzai si "bagciw hoehoef, puar khvoarzøx zhaekoef".
阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

🗣 Ateg, tagkef lorng ma zaiviar lie jiedsym køq aix zhut'hongthaau, lauxsw mng korng sviaflaang beq zøx pantviuo, lie mxtø kirn giaqchiuo, maix køq "iaukuie kea seaji "`aq`laq!
阿德，逐家攏嘛知影你熱心閣愛出風頭，老師問講啥人欲做班長，你毋就緊攑手，莫閣「枵鬼假細膩」矣啦！

🗣 bøseaji ho y lioxng`khix`aq.
無細膩予伊躘去矣。

🗣 Goar bøseaji ka soeakym tvoa'ar phah'mxkvix`aq, tiøh køq laikhix sinzherng`cidtviw.
我無細膩共稅金單仔拍毋見矣，著閣來去申請一張。

🗣 Goar bøseaji khix poah cidtør, bagciw zhud hoefkimzhvef, zhaf cidsut'ar tø hun`tør.
我無細膩去跋一倒，目睭出火金星，差一屑仔就昏倒。

🗣 Goar khix zhefng zhankaw, bøseaji soaq løqlaxm.
我去清田溝，無細膩煞落湳。

🗣 Goar peq lauthuy bøseaji, khørtiøh khataang, thviax kaq behsie!
我𬦰樓梯無細膩，靠著跤胴，疼甲欲死！