🗣 segchiuo

🗣 Y si segchiuo, lie biern hoanlør.
伊是熟手，你免煩惱。

🗣 Y zøx tiøh liangsealiangsex, padlaang laai zøx tø bøo hiaq segchiuo!
伊做著涼勢涼勢，別人來做就無遐熟手！

🗣 Sviaflaang m bad sitpai`koex? Laang korng, "E poah ciaq e toa. " Zøx mxtiøh`khix ka torngzøx kenggiam, mxciaq saf e tiøh zøx khangkhoex ee mekag, ma ciaq e juo-zøx juo-segchiuo.
啥人毋捌失敗過？人講：「會跋才會大。」做毋著去共當做經驗，毋才捎會著做工課的鋩角，嘛才會愈做愈熟手。

🗣 Sioggie korng, "Kin suie ty guu sexng, kin safn seg niao ym. " Y tø zu seahaxn toex yn pexbuo ti phafngcitchviuo zøx khangkhoex, citzun mxciaq e tuix citpox cithongbin ee khangkhoex ciahni segchiuo.
俗語講：「近水知魚性，近山識鳥音。」伊都自細漢綴 爸母佇紡織廠做工課，這陣毋才會對織布這方面的工課遮爾熟手。