🗣 sidte

🗣 khataqsidte
跤踏實地

🗣 Lafnlaang zøx jixmhøo taixcix, aix khaf tah sidte, bexsae kannaf zhuo cidky zhuix, na kiernpae lorng "cidmee zoaan thaulo, thvikngf bøpvoarpo", bøo cidhang taixcix zøx e seeng.
咱人做任何代誌，愛跤踏實地，袂使干焦取一支喙，若見擺攏「一暝全頭路，天光無半步」，無一項代誌做會成。

🗣 Sioggie korng, "Aix pviax ciaq e viaa. " Ti kefngkhix bøo hør ee sizun, tiøqaix m kviaf kankhor, kienchii lysiorng, khataqsidte, sengkofng ee kihoe tø ciaxm khahtoaxbin.
俗語講：「愛拚才會贏。」佇景氣無好的時陣，著愛毋驚艱苦，堅持理想、跤踏實地，成功的機會就占較大面。

🗣 sidte tiauzaf
實地調查

🗣 Taixcix beq zøx cirnzeeng, aix sefng sviu ho zhengzhør, keaoe ho høfsex, "cidpo kii, cidpo tiøh", khataqsidte ciaopoxlaai, afnnef tø khaq e suxnsi, khaq e sengkofng.
代誌欲做進前，愛先想予清楚，計畫予好勢，「一步棋，一步著」，跤踏實地照步來，按呢就較會順序、較會成功。

🗣 Zøx baxnhang taixcix lorng aix khataqsidte, ciaokhykafng cidpo cidpo laai, mxthafng "boexzeeng øh kviaa sefng øh poef, boexzeeng iaxzerng sviu barn koef", afnnef ciaq e sengkofng.
做萬項代誌攏愛跤踏實地，照起工一步一步來，毋通「未曾學行先學飛，未曾掖種想挽瓜」，按呢才會成功。

🗣 Zørlaang, zøx taixcix tiøqaix khataqsidte, na kannaf beq pvix hitkhoarn "phof bin thafn, cirmzuie øo " ee zhutthaau, liammy tø e ho laang khvoarphoarkhachiuo.
做人、做代誌著愛跤踏實地，若干焦欲變彼款「鋪面蟶，浸水蚵」的齣頭，連鞭就會予人看破跤手。