🗣 simsu

🗣 Bexsae zøx khuisym su.
袂使做虧心事。

🗣 Y ee thaau tarmsoetarmsoee, goar khvoax y itteng u simsu.
伊的頭頕垂頕垂，我看伊一定有心事。

🗣 Y zoeakin bøo chiørioong, kvafnar u simsu`leq.
伊最近無笑容，敢若有心事咧。

🗣 Khvoax y gaxnggang ti hiaf lorng tidbak`khix, seqsinseqsiin, simsu tiongtioong ee khoarn.
看伊愣愣佇遐攏直目去，踅神踅神，心事重重的款。

🗣 Khvoax y ti hiaf thofkhuix, itteng si u simsu.
看伊佇遐吐氣，一定是有心事。

🗣 Khvoax lie afnnef bixn'iubixnkad, si u sviafmiq simsu?
看你按呢面憂面結，是有啥物心事？

🗣 Laang teq korng, "Laang ee zhuix, afm be bat", zhuix si svef ti padlaang ee sinkhw, larn bøhoatto zoftoxng padlaang khix korng hiaf ee sixhuy iaqsi eng'afoe, kaki maix zøx khuisimsu tø biern hoanlør.
人咧講：「人的喙，掩袂密」，喙是生佇別人的身軀，咱無法度阻擋別人去講遐的是非抑是閒仔話，家己莫做虧心事就免煩惱。