🗣 siogmih

🗣 Goar khix iaxchi'ar khay nngxpaq khof beftiøh citliaau yar, nar zay ze bøo nng kafng tø hai`khix, bexsw zherngphvi koo`ee, laang korng "cidhwn cvii, cidhwn hoex", uxviar siogmih tø bøo hør hoex.
我去夜市仔開兩百箍買著這條椅仔，哪知坐無兩工就害去，袂輸擤鼻糊的，人講「一分錢，一分貨」，有影俗物就無好貨。

🗣 Y hiahniq høfgiah, citciorng siogmih y khvoarbexcviuxbak.
伊遐爾好額，這種俗物伊看袂上目。

🗣 Laang teq korng, "Siogmih bøo hør hoex. " Lie iawsi køq kef pykaux`kuykeng'ar afnnef khaq sidzai`laq.
人咧講：「俗物無好貨。」你猶是閣加比較幾間仔按呢較實在啦。

🗣 Pahhoex kongsy tvia e ti niboea phahcied toaxsiogbe, sioggie korng, "Siogmih ciah phoax kef. " Larn mxthafng thamtiøh miqkvia siok tø pviarsveamia bea, naxbøo, sii kaux kehoea e khieliawliao.
百貨公司定會佇年尾拍折大俗賣，俗語講：「俗物食破家。」咱毋通貪著物件俗就拚性命買，若無，時到家伙會去了了。

🗣 Siogmih bøo hør hoex.
俗物無好貨。

🗣 Zef si zhosiok miqkvia mxtat kuie siern cvii`laq!
這是粗俗物件毋值幾仙錢啦！