🗣 sitgiap

🗣 Kefngkhix bøo hør, sitgiap ee laang cviaa ze.
景氣無好，失業的人誠濟。

🗣 Sitgiap kuinii, ciah svaf tngx tø u buxntee`aq, y tø ka texngzuun niar`zhutlaai, laang korng "bøo thafng zhvef ciah, nar u thafng phagkvoaf", bagciuzeeng ee seng'oah khaq iaokirn, auxpae ee jidcie bexkox`tid`loq.
失業規年，食三頓都有問題矣，伊就共定存領出來，人講「無通生食，哪有通曝乾」，目睭前的生活較要緊，後擺的日子袂顧得囉。

🗣 Thaukef ka kongsy ee cvii theqkhix zhafkofphiøx, ciofng cvii suliawliao, soaq tiøh hoaq tøftiaxm, exkhaf ee oankafng lorng sitgiap, "zhuix ciah, ho khazhngf zhexsiaux", afnnef karm u kongtø?
頭家共公司的錢提去炒股票，將錢輸了了，煞著喝倒店，下跤的員工攏失業，「喙食，予尻川坐數」，按呢敢有公道？

🗣 ciaqthauloxlaang tionglieen sitgiap, cyn phvae zhoextiøh syn thaulo, u ee laang "phahtng chiwkud tientøx iorng", kayhaang zøx siøfsenglie, kaki zøx thaukef, biern kviakvix ho laang thaithaau.
食頭路人中年失業，真歹揣著新頭路，有的人「拍斷手骨顛倒勇」，改行做小生理，家己做頭家，免驚見予人刣頭。

🗣 Ciaxmsii sitgiap, mxthafng loefcix.
暫時失業，毋通餒志。