🗣 soaq

🗣 Abeeng`ar toax ti haghau huokin, tviaxtvia tø khuxn kaux beq sioxngkhøx`aq ciaq beq khie`laai, kietkør laang toax khaq hng`ee lorng kaux haghau`aq, y soaq putsii lorng khaq voax kaux, bogkoaix laang teq korng "kin svoaf zhøx bøo zhaa, kin khef tvaf bøo zuie. "
阿明仔蹛佇學校附近，定定都睏到欲上課矣才欲起來，結果人蹛較遠的攏到學校矣，伊煞不時攏較晏到，莫怪人咧講「近山剉無柴，近溪擔無水。」

🗣 Abeeng yn lauxpe zu siaolieen kaotvaf lorng afnnef beq ciah m thøfthaxn, Abeeng soaq tientøx cyn kutlat zøhsid, tharncvii iofngchi kuikekhawar, tø chviu laang sor korng`ee "phvae teg zhud hør surn".
阿明 老爸自少年到今攏按呢欲食毋討趁，阿明煞顛倒真骨力作穡，趁錢養飼規家口仔，就像人所講的「歹竹出好筍」。

🗣 Abeeng ka theahiukym lorng theqkhix zhafkofphiøx, sviuxbeq cidkhurn'ar tø høfgiah, kaoboea soaq tøx liawcvii, bogkoaix sioggie korng, "Beq høfgiah tarn auxsix, beq zørkvoaf øh zørhix".
阿明共退休金攏提去炒股票，想欲一睏仔就好額，到尾煞倒了錢，莫怪俗語講：「欲好額等後世，欲做官學做戲」。

🗣 Abuo sea voar ee sii, pvoa'ar soaq liuochiuo siakphoax`khix.
阿母洗碗的時，盤仔煞遛手摔破去。

🗣 Ahog cirm`ar ee hauxsvef lorng zhoaxbor svekviar`aq, lauxafng koeasyn liawau, hauxsvef sinpu suilaang bøeeng suxgiap, kox gyn'ar, y soaq tiøh kaki cidee laang seng'oah, cincviax si "zap kviar zap sinpu, zhwn cidee lau koafhu".
阿福嬸仔的後生攏娶某生囝矣，老翁過身了後，後生新婦隨人無閒事業、顧囡仔，伊煞著家己一个人生活，真正是「十囝十新婦，賰一个老寡婦」。

🗣 Apeq khiaxmtngnehto ka y hittin kviar liap toaxhaxn, tvaf sui'ear ma lorng cviaa zaizeeng, mxkøq soaq bøo kaq pvoax ee beq ka y iwhaux, ho y putsii tø teq oarnthaxn korng, "Hør kviar mxbiern ze, ze kviar gøxsie pe. " Zar na zay, tongzhesii tø maix khay hiahniq ze cvii laai zaipoee`yn.
阿伯儉腸凹肚共伊彼陣囝捏大漢，今隨个仔嘛攏誠才情，毋過煞無甲半个欲共伊有孝，予伊不時都咧怨嘆講：「好囝毋免濟，濟囝餓死爸。」早若知，當初時就莫開遐爾濟錢來栽培 。

🗣 "Baxngtafng svef gønng " si teq korng, zøx laang abuo`ee suijieen svezøx sealiabcie, mxkøq yn hauxsvef soaq svezøx kauchiaang toaxhaxn.
「望冬生鵝卵」是咧講，做人阿母的雖然生做細粒子，毋過 後生煞生做高長大漢。