🗣 sofhuix

🗣 Ahviaf beq khix Taipag zhoe thaulo, abuo thauiab svazhefng khof ho y zøx sofhuix.
阿兄欲去臺北揣頭路，阿母偷揜三千箍予伊做所費。

🗣 Azaai`ar he cyn ze khofsym kaq sofhuix teq ka yn hauxsvef zaipoee, ngrbang y extaxng zhutthauthvy, kietkiok y mxna taixhak thak bøo pitgiap, køq beq ciah m thøfthaxn, tientøx si yn zabofkviar khaq u zaizeeng, giefnkiuosor tø iawboe zhutgiap, kuyna kefng kongsy tø siøzvef beq ka chviax, Azaai`ar oarnthaxn korng, "Ty m toa, toa tuix kao`khix. "
阿財仔下真濟苦心佮所費咧共 後生栽培，向望伊會當出頭天，結局伊毋但大學讀無畢業，閣欲食毋討趁，顛倒是 查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」

🗣 Y ee sofhuix cyn tang.
伊的所費真重。

🗣 Y ti goaxui thagzheq, sofhuix itteng khaq siongtiong.
伊佇外位讀冊，所費一定較傷重。

🗣 Kekiarm thaxn cidkoafar goaxlo'ar laai siøthvy sofhuix.
加減趁一寡仔外路仔來相添所費。

🗣 Khørsex amar ka lie siøhmiaxmia, lie mxna ka y sinkhupvy ee sofhuix thøfliawliao, citmar lieen y keazngf kaq`laai ee kim'ar tø beq ka koae`khix, lie uxviar si "cviu taqpafng, cviu binzhngg, bøo sea khaf khuxn tiong'ngf", cincviax sviw chiaukoex`aq.
靠勢阿媽共你惜命命，你毋但共伊身軀邊的所費討了了，這馬連伊嫁粧佮來的金仔都欲共拐去，你有影是「上踏枋，上眠床，無洗跤睏中央」，真正傷超過矣。

🗣 Sofhuix tagkef kongkhuy zef si engkaijieen`ee.
所費逐家公開這是應該然的。