Taigie

🗣 Hit'ee goaxkoklaang korng Taigie tviaxtvia e zawym.
彼个外國人講臺語定定會走音。

🗣 Y Taigie korng kaq ciog toantiaq`ee, sofie ho tiexnsixtaai chviax khix pøx Taigie sinbuun.
伊臺語講甲足端的的，所以予電視台倩去報臺語新聞。

🗣 Y zu siaolieen tø tuix exkarng khykhix Taipag zørsenglie, ti hiaf zhoaxbor svekviar, kaotvaf goxzabgoa tafng`aq, mxkøq "li hviw, bøo li khviw", korng Taigie ee sii iugoaan u exkarng khviw.
伊自少年就對下港起去臺北做生理，佇遐娶某生囝，到今五十外冬矣，毋過「離鄉，無離腔」，講臺語的時猶原有下港腔。

🗣 Taigie beq korng kaq e pvepang køq soarphaq, tiøqaix he kanghw.
臺語欲講甲會平棒閣紲拍，著愛下工夫。

🗣 Taigie ee Harnji cyn øq khekhør.
臺語的漢字真僫稽考。