🗣 tøx

🗣 Abeeng yn lauxpe zu siaolieen kaotvaf lorng afnnef beq ciah m thøfthaxn, Abeeng soaq tientøx cyn kutlat zøhsid, tharncvii iofngchi kuikekhawar, tø chviu laang sor korng`ee "phvae teg zhud hør surn".
阿明 老爸自少年到今攏按呢欲食毋討趁，阿明煞顛倒真骨力作穡，趁錢養飼規家口仔，就像人所講的「歹竹出好筍」。

🗣 Abeeng ka theahiukym lorng theqkhix zhafkofphiøx, sviuxbeq cidkhurn'ar tø høfgiah, kaoboea soaq tøx liawcvii, bogkoaix sioggie korng, "Beq høfgiah tarn auxsix, beq zørkvoaf øh zørhix".
阿明共退休金攏提去炒股票，想欲一睏仔就好額，到尾煞倒了錢，莫怪俗語講：「欲好額等後世，欲做官學做戲」。

🗣 Azaai`ar he cyn ze khofsym kaq sofhuix teq ka yn hauxsvef zaipoee, ngrbang y extaxng zhutthauthvy, kietkiok y mxna taixhak thak bøo pitgiap, køq beq ciah m thøfthaxn, tientøx si yn zabofkviar khaq u zaizeeng, giefnkiuosor tø iawboe zhutgiap, kuyna kefng kongsy tø siøzvef beq ka chviax, Azaai`ar oarnthaxn korng, "Ty m toa, toa tuix kao`khix. "
阿財仔下真濟苦心佮所費咧共 後生栽培，向望伊會當出頭天，結局伊毋但大學讀無畢業，閣欲食毋討趁，顛倒是 查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」

🗣 Bøo laang aix sitpai, mxkøq sitpai ee kenggiam e ho larn tittiøh kaohuxn, zhoexzhud sengkofng ee honghoad, laang tviaxtvia teq korng "phahtng chiwkud tientøx iorng", tø si cit'ee iesux.
無人愛失敗，毋過失敗的經驗會予咱得著教訓、揣出成功的方法，人定定咧講「拍斷手骨顛倒勇」，就是這个意思。

🗣 Bøo taixcix thafng zøx, tientøx bøkiok.
無代誌通做，顛倒無局。

🗣 Bøzhae y kazaai baxnkoaxn, soaq tientøx hansoafn, cidkhof giin tø m kherng kiarhux.
無彩伊家財萬貫，煞顛倒寒酸，一箍銀都毋肯寄付。

🗣 Bøo zøx bøo taixcix, na zøx m hør khietøx hai.
無做無代誌，若做毋好去倒害。