🗣 tøxlie

🗣 Amar cyn zay "hør zhante putjuu hør zwte " ee tøxlie, yzar ee seng'oah suijieen khaq kanlaan, y iugoaan kienchii ho muie cidee gyn'ar lorng u siu kaoiok ee kihoe, sidzai cviaa bøo kafntafn.
阿媽真知「好田地不如好子弟」的道理，以早的生活雖然較艱難，伊猶原堅持予每一个囡仔攏有受教育的機會，實在誠無簡單。

🗣 Y kaysoeq siensvy thoansiu ee tøxlie, lorng korng liao u oafix.
伊解說先生傳授的道理，攏講了有倚意。

🗣 Y siaolieen ee sii bexhiao sviu, bøo liawkae pexbuo ee khofsym, køq tviaxtvia ka yn giagvexkøf, tafnkaux y zøx laang pexbuo`aq, ciaq thefhoextiøh "siangchiuo phø haijii, ciaq zay pexbuo sii " ee tøxlie.
伊少年的時袂曉想，無了解爸母的苦心，閣定定共 夯硬篙，等到伊做人爸母矣，才體會著「雙手抱孩兒，才知爸母時」的道理。

🗣 Y ti kojivi toaxhaxn, siuxtiøh cyn ze laang ee koanzo. Toaxhaxn liawau suxgiap zøx liao cyn sengkofng, y zaiviar "ciah laang cidkhao, pøx laang cidtao " ee tøxlie, ma koafn ciog ze cvii pangzo suiaux zarnzo ee kojii.
伊佇孤兒院大漢，受著真濟人的捐助。大漢了後事業做了真成功，伊知影「食人一口，報人一斗」的道理，嘛捐足濟錢幫助需要贊助的孤兒。

🗣 "Kankhor thaau, khvuieoah boea " ee tøxlie langlaang zay, mxkøq uxtorngthaau ee laang ciaq zøx e kaux.
「艱苦頭，快活尾」的道理人人知，毋過有擋頭的人才做會到。

🗣 kitokkaux ee tøxlie
基督教的道理

🗣 Laang korng kamciax bøo siafng thaau tvy, lie bextaxng tak hang lorng beq bau kaq viaa, zorng`si aix zaiviar "u cidhør, bøo nng hør " ee tøxlie.
人講甘蔗無雙頭甜，你袂當逐項攏欲貿甲贏，總是愛知影「有一好，無兩好」的道理。