🗣 tag'ee

🗣 Goar tak ee lorng khvoax`koex`aq, lorng m si lie ee.
我逐个攏看過矣，攏毋是你的。

🗣 Goanpurn e viaa ee pysaix soaq susw`khix, tak ee laang lorng bixn'aobixnzhaux.
原本會贏的比賽煞輸輸去，逐个人攏面漚面臭。

🗣 Kinnii kengciøf safnliong wnteng, keasiaux hør, ciøloong tak ee lorng zhuiechiørbagchiøx.
今年弓蕉產量穩定、價數好，蕉農逐个攏喙笑目笑。

🗣 Larn beq zøx koatteng cirnzeeng, tak ee sviu khaq ciautiøh`leq, køq khvoax ho cimciog, chinchviu sioggie teq korng`ee "svaf laang kang go bak, jidau bøo tngtefkhaoe", afnnef hør`bøo?
咱欲做決定進前，逐个想較齊著咧，閣看予斟酌，親像俗語咧講的「三人共五目，日後無長短跤話」，按呢好無？

🗣 M si goar teq khoakhao, goarn aku ti Taitiofng, tak ee laang lorng bad`y.
毋是我咧誇口，阮阿舅佇臺中，逐个人攏捌伊。

🗣 Soafnkie ee sii, tak ee hauxsoafnjiin tø korng y siong hør iangkaq`ee.
選舉的時，逐个候選人都講伊上好央教的。

🗣 Tak ee gyn'ar lorng si pexbuo ee simkvoa'ar pøfpoex.
逐个囡仔攏是爸母的心肝仔寶貝。