🗣 tauqtauh

🗣 Biern kvoafkirn, tauqtauqar laai tø hør.
免趕緊，沓沓仔來就好。

🗣 Bøo zhuiekhie, cyhør tauqtauqar mauq.
無喙齒，只好沓沓仔卯。

🗣 Y tauqtauh laai kaukoafn.
伊沓沓來交關。

🗣 Kvoasy tauqtauqar phvaybin.
官司沓沓仔歹面。

🗣 Lytviuo peq`ar cviaa jiedsym, kiernpae na beq thex lybiin tiaukae kiuohwn, y lorng e ti zhux`lie zhoaan ciwzhaix, kiøx sianghofng ze løqlaai tauqtauqar korng. Lytviuo mr`ar oarnthaxn korng zef cincviax si "zøx kongchyn, thiab purn", goeqhong tø bøkaux lap ciaf ee khaisiaw`leq.
里長伯仔誠熱心，見擺若欲替里民調解糾紛，伊攏會佇厝裡攢酒菜，叫雙方坐落來沓沓仔講。里長姆仔怨嘆講這真正是「做公親，貼本」，月俸都無夠納遮的開銷咧。

🗣 siaolienlaang tuo zhutgiap, mxkoarn ciaqthaulo iaqsi kaki zøx thaukef, "baxnsu khythaau laan", aix tauqtauqar laai, kienchii`løqkhix, zøx e kuo ciaq u sengkofng ee kihoe.
少年人拄出業，毋管食頭路抑是家己做頭家，「萬事起頭難」，愛沓沓仔來，堅持落去，做會久才有成功的機會。

🗣 Suijieen y puxnkhapuxnchiuo, larn tauqtauqar ka kax, citkhoarn khangkhoex y ma si zøx e laai.
雖然伊笨跤笨手，咱沓沓仔共教，這款工課伊嘛是做會來。