🗣 thaxn

🗣 Abeeng yn lauxpe zu siaolieen kaotvaf lorng afnnef beq ciah m thøfthaxn. Abeeng soaq tientøx cyn kutlat zøhsid. Tharncvii iofngchi kuikekhawar. Tø chviu laang sor korng`ee "phvae teg zhud hør surn".
阿明 老爸自少年到今攏按呢欲食毋討趁，阿明煞顛倒真骨力作穡，趁錢養飼規家口仔，就像人所講的「歹竹出好筍」。

🗣 Abeeng khuitiaxm zørsenglie u tharntiøh cidtiafm'ar cvii. Tø sviuxbeq ciøq cvii khuy liensøftiaxm. Yn bor kirn ka toxng korng. Lie mxthafng "ciah bøo svaf pea erngzhaix, tø beq cviu sethiefn".
阿明開店做生理有趁著一點仔錢，就想欲借錢開連鎖店， 某緊共擋講，你毋通「食無三把蕹菜，就欲上西天」。

🗣 Agi pie goar khaq gaau tharncvii. Beq ciøf zhutkog chitthøo ee sizun. Goar suii ka ixn korng goar thaxn ee goeqkib "zhvef ciah tø bøkaux. Nar u thafng phagkvoaf "`leq?
阿義比我較𠢕趁錢，欲招出國𨑨迌的時陣，我隨共應講我趁的月給「生食都無夠，哪有通曝乾」咧？

🗣 Aeeng thaau cidkae paghngg zexng kengciøf suii tngxtiøh hongthay. Liao kaq kiørmxkvar. Kazaix boea`ar voaxkhix iaxchi zøx iuthngf. Twtiøh siky hør, ciaq ho y thaxn kaq iusefsea. Uxviar si "laang chi laang. Cidky kud; thvy chi laang, puizutzud", cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Akiog cyn tamsuviaa, yn afng khiaxm cvii zawlo. Y kaki phahpviax tharncvii thex yn afng heeng siaux.
阿菊真擔輸贏， 翁欠錢走路，伊家己拍拚趁錢替 翁還數。

🗣 Apeq khiaxmtngnehto ka y hittin kviar liap toaxhaxn. Tvaf sui'ear ma lorng cviaa zaizeeng. Mxkøq soaq bøo kaq pvoax ee beq ka y iwhaux, Ho y putsii tø teq oarnthaxn korng, "Hør kviar mxbiern ze, ze kviar gøxsie pe. " Zar na zay, tongzhesii tø maix khay hiahniq ze cvii laai zaipoee`yn.
阿伯儉腸凹肚共伊彼陣囝捏大漢，今隨个仔嘛攏誠才情，毋過煞無甲半个欲共伊有孝，予伊不時都咧怨嘆講：「好囝毋免濟，濟囝餓死爸。」早若知，當初時就莫開遐爾濟錢來栽培 。

🗣 Azaai`ar he cyn ze khofsym kaq sofhuix teq ka yn hauxsvef zaipoee. Ngrbang y extaxng zhutthauthvy, kietkiok y mxna taixhak thak bøo pitgiap. Køq beq ciah m thøfthaxn, tientøx si yn zabofkviar khaq u zaizeeng. Giefnkiuosor tø iawboe zhutgiap. Kuyna kefng kongsy tø siøzvef beq ka chviax. Azaai`ar oarnthaxn korng, "Ty m toa, toa tuix kao`khix. "
阿財仔下真濟苦心佮所費咧共 後生栽培，向望伊會當出頭天，結局伊毋但大學讀無畢業，閣欲食毋討趁，顛倒是 查某囝較有才情，研究所都猶未出業，幾若間公司就相爭欲共倩，阿財仔怨嘆講：「豬毋大，大對狗去。」