🗣 thengkhuxn

🗣 Y køq teq poaqpai'ar`aq, lie kiøx y hør thengkhuxn ciaqpng`aq.
伊閣咧跋牌仔矣，你叫伊好停睏食飯矣。

🗣 Y zu thaozar zøx kaq citmar, lorng bøo thengkhuxn.
伊自透早做甲這馬，攏無停睏。

🗣 Lie mxthafng afnnef tidtit zøx, lorng bøo hiøhkhuxn, suiborng lirn taw citzam'ar khaq khurnlaan, mxkøq "thaxn ia tiøh thaxn, ciah ia tiøh ciah", ma aix thengkhuxn ciaqpng, ciaq u khuielat thafng zøx khangkhoex.
你毋通按呢直直做，攏無歇睏，雖罔恁兜這站仔較困難，毋過「趁也著趁，食也著食」，嘛愛停睏食飯，才有氣力通做工課。

🗣 Pexbuo thviax kviar si thiensexng, zuxjieen bøsii thengkhuxn, sixsex iwhaux pexbuo si kax`zhutlaai ee zekjim, khahkef ma uxsi'uxzun, sioggie mxciaq korng, "Pexbuo thviax kviar tngg lauzuie, kviar thviax pexbuo chiuxboea hofng. "
爸母疼囝是天性，自然無時停睏，序細有孝爸母是教出來的責任，較加嘛有時有陣，俗語毋才講：「爸母疼囝長流水，囝疼爸母樹尾風。」

🗣 Zuxjieen khoankerng ee paixhai, zaieq m bad thengkhuxn`koex, zef lorng si lafnlaang zuxsw softix, khahkef ma u laang korng zef tø si "laang bøo ciaux thvilie, thvy bøo ciaux kahcie " ee kietkør.
自然環境的敗害，災厄毋捌停睏過，這攏是咱人自私所致，較加嘛有人講這就是「人無照天理，天無照甲子」的結果。