🗣 thernghau

🗣 Gyn'ar zu seahaxn tiøqaix høfhøfar ka karsi, naxbøo "seahaxn thaw barn puu, toaxhaxn thaw khafn guu", thernghau y toaxhaxn hoan giamtiong ee zhørgo ciaq beq laai kax, tø ykefng bexhux`aq.
囡仔自細漢著愛好好仔共教示，若無「細漢偷挽匏，大漢偷牽牛」，聽候伊大漢犯嚴重的錯誤才欲來教，就已經袂赴矣。

🗣 Lie m zaiviar "zhvekoong kao ciah bøo sae " ee tøxlie si`m? Citkhoarn taixcix, tiøqaix kynsuxkhvoapan, thernghau keaoe sviu ho ciucix ciaq laai zhwlie.
你毋知影「生狂狗食無屎」的道理是毋？這款代誌，著愛緊事寬辦，聽候計畫想予周至才來處理。

🗣 Thaxn siok sefng khix bea hiuar, thernghau khaq kvoaa ee sizun ciaq theh zhutlaai zheng.
趁俗先去買裘仔，聽候較寒的時陣才提出來穿。

🗣 Thviatngg zoafn langkheq, lamlie sox zhefng ee, hyciuo ciah cyn ze, thernghau køq ciaqtee.
廳堂專人客，男女數千个，喜酒食真濟，聽候閣食茶。

🗣 Thernghau tviar jiet ee sii, ciaq he iuu løqkhix zhar.
聽候鼎熱的時，才下油落去炒。

🗣 U thafng ciah tø sngx cviaa kazaix`aq, maix tiaxm hiaf hiamkvoahiamkien, korng kaq bextitthafng soaq; thernghau lie iaw kaq "toaxtngg køx siøftngg " ee sizun, sviafmiq thwn be løqaau ee miqkvia ma e lorng si santinhaybi.
有通食就算誠佳哉矣，莫踮遐嫌肝嫌胘，講甲袂得通煞；聽候你枵甲「大腸告小腸」的時陣，啥物吞袂落喉的物件嘛會攏是山珍海味。