🗣 thexng

🗣 Beq koeanii`aq, lie thernghør khix zhengsiaux`aq.
欲過年矣，你聽好去清數矣。

🗣 Beq liawkae cit'ee gixtee, lie thernghør sefng cviuxbang chiauzhoe siongkoafn ee zuliau.
欲了解這个議題，你聽好先上網搜揣相關的資料。

🗣 Gyn'ar zu seahaxn tiøqaix høfhøfar ka karsi, naxbøo "seahaxn thaw barn puu, toaxhaxn thaw khafn guu", thernghau y toaxhaxn hoan giamtiong ee zhørgo ciaq beq laai kax, tø ykefng bexhux`aq.
囡仔自細漢著愛好好仔共教示，若無「細漢偷挽匏，大漢偷牽牛」，聽候伊大漢犯嚴重的錯誤才欲來教，就已經袂赴矣。

🗣 Yzeeng ee laang tuix sayhag'ar viuo sayjiø khie`laai, khngx ho y hoatkvax`koex, piernzøx toaxpuii, tø thernghør akzhaix.
以前的人對屎礐仔舀屎尿起來，囥予伊發酵過，變做大肥，就聽好沃菜。

🗣 Laang korng, "Thviterng Thvikofng, texe bwkuxkofng. " Lie tuix lirn aku aix khaq zuntiong`leq, auxpae zhoaxbor tiøh ngx y ze toaxui, ciaq thernghør khuitøq`neq.
人講：「天頂天公，地下母舅公。」你對恁阿舅愛較尊重咧，後擺娶某著向伊坐大位，才聽好開桌呢。

🗣 Lie m zaiviar "zhvekoong kao ciah bøo sae " ee tøxlie si`m? Citkhoarn taixcix, tiøqaix kynsuxkhvoapan, thernghau keaoe sviu ho ciucix ciaq laai zhwlie.
你毋知影「生狂狗食無屎」的道理是毋？這款代誌，著愛緊事寬辦，聽候計畫想予周至才來處理。

🗣 Lie sefng khix thvipng, liammy thngf phaang`zhutkhix tø thernghør ciaqpng`aq.
你先去添飯，連鞭湯捀出去就聽好食飯矣。