🗣 tiaxmtiam

🗣 Akofng saxng kaux pvexvi ee sii suijieen iao zay laang, mxkøq be kofng'oe ma be tyntang, kannaf tiaxmtiam khvoax pvexzhngpvy ee laang, cincviax si "bagciw kimkym laang siongtiong".
阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。

🗣 Y khvoax tiøh cyn piesux, peng'iuo sviuxkorng y e kaubøo lwpeng'iuo, sviaflaang zay y "tiaxmtiam ciah svaf voafkofng pvoax", tagkef iawkøq si zab'itkøf, y tø ykefng beq parngthiap'ar`aq.
伊看著真閉思，朋友想講伊會交無女朋友，啥人知伊「恬恬食三碗公半」，逐家猶閣是十一哥，伊就已經欲放帖仔矣。

🗣 Y tø si piauzurn ee "hvi'ar svef nng hiøh, kaki khvoax be tiøh " ee hitkhoarn laang, kiøx y korng padlaang ee khoattiarm, suii tø korng kaq zhuiekag zoaan phøf, aq na kofngtiøh kaki tøfui aix kae, y tø lorng tiaxmtiam, nafchinchviu voa cidee laang ee khoarn.
伊就是標準的「耳仔生兩葉，家己看袂著」的彼款人，叫伊講別人的缺點，隨就講甲喙角全泡，啊若講著家己佗位愛改，伊就攏恬恬，若親像換一个人的款。

🗣 Y cit'ee laang tiaxmtiam`ar mxkøq cyn kankhiao, thviakorng simkvoaf køq putcyar oktok, sioggie korng, "imthim'imthym, ka laang svaf zhuxn chym. " Lie na cviasit beq ciøf y habkor zørsenglie, chienban tiøqaix seaji`neq!
伊這个人恬恬仔毋過真奸巧，聽講心肝閣不止仔惡毒，俗語講：「陰鴆陰鴆，咬人三寸深。」你若誠實欲招伊合股做生理，千萬著愛細膩呢！

🗣 Kuy kefng zhux tiaxmtiam bøsviaf, lieen pvoax ee lang'viar ma bøo.
規間厝恬恬無聲，連半个人影嘛無。

🗣 Lie maix khvoax y kuikafng tiaxmtiam, tuix laang lorng cviaa khehkhix, "e ka`laang ee kao be pui", goar bad ho y tiap kaq zao bølo thafng khix.
你莫看伊規工恬恬，對人攏誠客氣，「會咬人的狗袂吠」，我捌予伊揲甲走無路通去。

🗣 Lie na tiaxmtiam maix zhutsviaf, bøo laang e korng lie si efkao.
你若恬恬莫出聲，無人會講你是啞口。