🗣 togphirn

🗣 Be togphirn ee laang, kannaf sviuxbeq id purn ban li, oanzoaan bøo korli sviaa laang ciaqtok e guihai laang ee kiexnkhofng, cincviax si "liawcvii senglie bøo laang zøx, thaithaau senglie u laang zøx " !
賣毒品的人，干焦想欲一本萬利，完全無顧慮唌人食毒會危害人的健康，真正是「了錢生理無人做，刣頭生理有人做」！

🗣 Hiaf ee miqkvia ho kefngzhad theqkhix kiafmgiam, khvoax si m si togphirn.
遐的物件予警察提去檢驗，看是毋是毒品。

🗣 Y khoafnkhngx tagkef togphirn chienban mxthafng bag.
伊款勸逐家毒品千萬毋通沐。

🗣 Yn zawsw togphirn khix ho kefngzhad liah`tiøh.
走私毒品去予警察掠著。

🗣 Kefngzhad hoaigii y u zaq togphirn, ka y chiaw sinkhw.
警察懷疑伊有紮毒品，共伊搜身軀。

🗣 Togphirn hai y kviaa cviu zoadlo.
毒品害伊行上絕路。