🗣 twtiøh

🗣 Aeeng thaau cidkae paghngg zexng kengciøf suii tngxtiøh hongthay, liao kaq kiørmxkvar. Kazaix boea`ar voaxkhix iaxchi zøx iuthngf, twtiøh siky hør, ciaq ho y thaxn kaq iusefsea, uxviar si "laang chi laang, cidky kud; thvy chi laang, puizutzud", cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Akofng cyn juxnmia, seahaxn ee sii twtiøh kuyna pae khongsip lorng bøo taixcix.
阿公真韌命，細漢的時拄著幾若擺空襲攏無代誌。

🗣 Axmkurn svef liuu, tuo`tiøh`aq.
頷頸生瘤，拄著矣。

🗣 Bixnzeeng larn sor tuo`tiøh ee buxntee lorng bøhoatto kaykoad, si beq afnzvoar ciaq hør?
面前咱所拄著的問題攏無法度解決，是欲按怎才好？

🗣 Goar kviaa kaux tiongtoo tø twtiøh y`aq.
我行到中途就拄著伊矣。

🗣 Goar pvoarlo twtiøh peng'iuo, cyn hvoahie.
我半路拄著朋友，真歡喜。

🗣 Goar thautwar u twtiøh y.
我頭拄仔有拄著伊。