🗣 uixtiøh

🗣 Goar khiaxmtngnehto, tø si uixtiøh beq bea zhux.
我儉腸凹肚，就是為著欲買厝。

🗣 Goar citlefpaix uixtiøh y ee taixcix, bøbiin køq sngfsiin.
我這禮拜為著伊的代誌，無眠閣損神。

🗣 Goanpurn kvoaf bøo hør tø aix zuoix, mxthafng uixtiøh tharncvii pviax kaq bømebøjit, ciaq be phahphvae sinthea, laang korng, "Tharncvii iuo sox, sveamia aix kox. " Thaxn e tiøh ma aix ciah e tiøh ciaq uxhau.
原本肝無好就愛注意，毋通為著趁錢拚甲無暝無日，才袂拍歹身體，人講：「趁錢有數，性命愛顧。」趁會著嘛愛食會著才有效。

🗣 Hagbu zwjim uixtiøh beq "thaikekarkaau", tø ka thauzawøh ee hagsefng kiøx khykhix sulexngtaai karsi ho zernglaang khvoax.
學務主任為著欲「刣雞教猴」，就共偷走學的學生叫起去司令台教示予眾人看。

🗣 Hittuix ang'afbor tviaxtvia uixtiøh cvii teq toaxseasviaf.
彼對翁仔某定定為著錢咧大細聲。

🗣 Ho lauxbuo uixtiøh citkvia taixcix ti hiaf keksym hoanlør, sidzai si thaix pud engkay.
予老母為著這件代誌佇遐激心煩惱，實在是太不應該。

🗣 Y kaq Ajiin goanpurn kafmzeeng cviaa hør, kixnlaai soaq uixtiøh senglie ee taixcix hoafnbok.
伊佮阿仁原本感情誠好，近來煞為著生理的代誌反目。

🗣 Y korng hiaf ee oe si uixtiøh beq thawkhuix, lie thvialiao zurn soaq.
伊講遐的話是為著欲敨氣，你聽了準煞。

🗣 Y putsii uixtiøh kangzog ee buxntee teq siongnawkyn.
伊不時為著工作的問題咧傷腦筋。

🗣 Y tø si teq zhauhoaan na cincviax pahhoeanilau liawau, kviafjii sixsex uixtiøh zaisarn sengsiok pwn be pvepang soaq khie oankef, citsviaf tø hai`aq, khahsw korng thaxn citzun laang iao kviaxkvia, sefng ka zaisarn punpwn`leq, ciaq be sii kaux hai y "sie bak m goan kheq".
伊就是咧操煩若真正百歲年老了後，囝兒序細為著財產承續分袂平棒煞起冤家，這聲就害矣，較輸講趁這陣人猶健健，先共財產分分咧，才袂時到害伊「死目毋願瞌」。