🗣 uxviar

🗣 Aeeng thaau cidkae paghngg zexng kengciøf suii tngxtiøh hongthay. Liao kaq kiørmxkvar.Kazaix boea`ar voaxkhix iaxchi zøx iuthngf. Twtiøh siky hør. Ciaq ho y thaxn kaq iusefsea, uxviar si "laang chi laang, cidky kud; thvy chi laang, puizutzud". Cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。

🗣 Bengkizay y cit'ee laang si bøpvoarphied, iawsi kautaix cidkoar kafntafn ee sitthaau ho y chiekhvoarmai`leq. Kietkiok ciaosioong zøx kaq lililaklag. Uxviar si "noaxthoo be koo tid piaq".
明其知伊這个人是無半撇，猶是交代一寡簡單的穡頭予伊試看覓咧，結局照常做甲離離落落，有影是「爛塗袂糊得壁」。

🗣 Gyn'ar ciaq kiøx cidsviaf "apaq " niaxnia. Lauxpe tø "cidciaq satbør poxng kaq zuyguu toa". Korng yn kviar sviafmiq oe tøf exhiao korng, zef karm uxviar si cyn`ee?
囡仔才叫一聲「阿爸」爾爾，老爸就「一隻蝨母嗙甲水牛大」，講𪜶囝啥物話都會曉講，這敢有影是真的？

🗣 Goar khix iaxchi'ar khay nngxpaq khof beftiøh citliaau yar. Nar zay ze bøo nng kafng tø hai`khix. Bexsw zherngphvi koo`ee, laang korng "cidhwn cvii. Cidhwn hoex", uxviar siogmih tø bøo hør hoex.
我去夜市仔開兩百箍買著這條椅仔，哪知坐無兩工就害去，袂輸擤鼻糊的，人講「一分錢，一分貨」，有影俗物就無好貨。

🗣 Goar thviakorng lirn zabofkviar beq ho laang sarngtvia`aq. Karm uxviar?
我聽講恁查某囝欲予人送定矣，敢有影？

🗣 hongthaithvy ee zhaekex uxviar kuix kaq kviasylaang!
風颱天的菜價有影貴甲驚死人！

🗣 Y bengkizay kaki tøf øh bøo cidtafng. Pvoarthafngsai'ar niaxnia, soaq chiaxng korng kaki u goa gaau. Uxviar si "toaxaang hoef m zay bae, vi'afhoef bae m zay".
伊明其知家己都學無一冬，半桶師仔爾爾，煞唱講家己有偌𠢕，有影是「大紅花毋知䆀，圓仔花䆀毋知」。

🗣 Y laang goxngtit, uxntoo soaq cviaa suxnsi. Uxviar si "thvikofng thviax goxnglaang".
伊人戇直，運途煞誠順序，有影是「天公疼戇人」。

🗣 Y pwntea iao sngx iwhaux, zhoaxbor liawau soaq piexn bofloo. Ho yn pexbuo ciog chirnsym. Laang teq korng "afng chyn bor chyn, lauxpøar phachialyn", uxviar tøf tiøh.
伊本底猶算有孝，娶某了後煞變某奴，予𪜶爸母足凊心，人咧講「翁親某親，老婆仔拋捙輪」，有影都著。

🗣 Y thaau cidnii karzheq, tø khix kartiøh zoanhau siong bøo koay ee hitpafn. Uxviar si "bexhiao thiethaau, twtiøh hochiw".
伊頭一年教冊，就去教著全校上無乖的彼班，有影是「袂曉剃頭，拄著鬍鬚」。