🗣 zøx

🗣 Abeeng ka theahiukym lorng theqkhix zhafkofphiøx. Sviuxbeq cidkhurn'ar tø høfgiah. Kaoboea soaq tøx liawcvii. Bogkoaix sioggie korng, "Beq høfgiah tarn auxsix, beq zørkvoaf øh zørhix".
阿明共退休金攏提去炒股票，想欲一睏仔就好額，到尾煞倒了錢，莫怪俗語講：「欲好額等後世，欲做官學做戲」。

🗣 Abeeng khuitiaxm zørsenglie u tharntiøh cidtiafm'ar cvii. Tø sviuxbeq ciøq cvii khuy liensøftiaxm. Yn bor kirn ka toxng korng, lie mxthafng "ciah bøo svaf pea erngzhaix, tø beq cviu sethiefn".
阿明開店做生理有趁著一點仔錢，就想欲借錢開連鎖店，𪜶某緊共擋講，你毋通「食無三把蕹菜，就欲上西天」。

🗣 Abuo korng, "Zøx laang ee sinpu tiøqaix'jip laang mngg. Sun laang ix', hvoahie ciapsiu takekvoaf, angsaix ka larn khankax, thafng lioxngzar koarnsix syn khoankerng. "
阿母講：「做人的新婦著愛『入人門，順人意』，歡喜接受大家官、翁婿共咱牽教，通冗早慣勢新環境。」

🗣 Abuo sviuxbeq chi cidciaq kawar kaq y zørphvoa.
阿母想欲飼一隻狗仔佮伊做伴。

🗣 Abuun`ar bøseaji ka iaam khvoarzøx peqthngg. Ciuxafnnef khad khix zhafm kapy, sidzai si "bagciw hoehoef, puar khvoarzøx zhaekoef".
阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

🗣 Agi si høfgiah kongzuo, langpan køq bexbae. U hah zaboflaang kerng afng "id chieen, ji ieen, svaf suie, six siaolieen" ee iaokvia, mxciaq u ciog ze moelangpøo lorng beq laai ka y zørchincviaa.
阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。

🗣 Agiok ykefng zøx`laang`aq.
阿玉已經做人矣。

🗣 Ahviaf beq khix Taipag zhoe thaulo. Abuo thauiab svazhefng khof ho y zøx sofhuix.
阿兄欲去臺北揣頭路，阿母偷揜三千箍予伊做所費。

🗣 Ahoad`ar senglie zøx kaq siahsaihkiøx. Zhuolai ee taixcix lorng paxng ho yn bor hvoa.
阿發仔生理做甲削削叫，厝內的代誌攏放予𪜶某扞。

🗣 Aeeng thaau cidkae paghngg zexng kengciøf suii tngxtiøh hongthay. Liao kaq kiørmxkvar. Kazaix boea`ar voaxkhix iaxchi zøx iuthngf. Twtiøh siky hør, ciaq ho y thaxn kaq iusefsea, uxviar si "laang chi laang, cidky kud; thvy chi laang, puizutzud", cincviax ho laang bexgaau`tid.
阿榮頭一改贌園種弓蕉隨搪著風颱，了甲叫毋敢。佳哉尾仔換去夜市做油湯，拄著時機好，才予伊趁甲油洗洗，有影是「人飼人，一支骨；天飼人，肥朒朒」，真正予人袂𠢕得。