🗣 zaboflaang

🗣 Agi si høfgiah kongzuo, langpan køq bexbae, u hah zaboflaang kerng afng "id chieen, ji ieen, svaf suie, six siaolieen " ee iaokvia, mxciaq u ciog ze moelangpøo lorng beq laai ka y zørchincviaa.
阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。

🗣 Goar twciaq khvoartiøh nng ee zaboflaang ti keaflo siøme.
我拄才看著兩个查某人佇街仔路相罵。

🗣 Goarn zaboflaang tngfkhix auxthauzhux`aq.
阮查某人轉去後頭厝矣。

🗣 Y iwhaux takekvoaf køq gaau hvoaxkef, cyn si cidee hienhoe ee zaboflaang.
伊有孝大家官閣𠢕扞家，真是一个賢慧的查某人。

🗣 Y cidee zaboflaang beq chi cidkef toaxsex, tvarthaau cviaa tang.
伊一个查某人欲飼一家大細，擔頭誠重。

🗣 Y cidee zaboflaang chi nng ee gyn'ar, suijieen kankhor, seng'oah iao extitkoex.
伊一个查某人飼兩个囡仔，雖然艱苦，生活猶會得過。

🗣 Khahzar ee laang korng, zaboflaang goeqlai na zøx liao bøo hør, auxpae sinthea e khaq bae.
較早的人講，查某人月內若做了無好，後擺身體會較䆀。