🗣 zhamkhør

🗣 Bea miqkvia ee sii, senglylaang korng ee oe biefnputliao e "be tee korng tee phafng, be hoef korng hoef aang". Larn ka zhamkhør`cide tø hør, biern zorng ka sixn.
買物件的時，生理人講的話免不了會「賣茶講茶芳，賣花講花紅」，咱共參考一下就好，免總共信。

🗣 Beq khaihak`aq, larn tarn`cide laikhix zhehkiok bea syn ee zhamkhøfzheq.
欲開學矣，咱等一下來去冊局買新的參考冊。

🗣 Goar e ka sofu ee iekiexn zonghap khylaai zøx zhamkhør.
我會共所有的意見綜合起來做參考。

🗣 Laang korng, "Khafn ang'ii, sun oexboea." Yn e ciaux larn sviuxbeq zay ee taixcix laai irn'oe, zhamkhør tø hør. Mxthafng sviw koex siongsixn.
人講：「牽尪姨，順話尾。」𪜶會照咱想欲知的代誌來應話，參考就好，毋通傷過相信。

🗣 Lie ka simlai ee koargai korng`zhutlaai tagkef zhamkhør khvoarmai.
你共心內的掛礙講出來逐家參考看覓。

🗣 Sioggie korng, "U viu khvoax viu, bøo viu kaki sviu." Larn zøx taixcix. Tuliao zhamkhør padlaang ee kenggiam, twtiøh`ar ma exsae kaki sviu khvoax u padee poxsox`bøo. Mxciaq e cirnpo.
俗語講：「有樣看樣，無樣家己想。」咱做代誌，除了參考別人的經驗，拄著仔嘛會使家己想看有別的步數無，毋才會進步。