zhoa`tiøh

🗣 Y itteng si tefngsielaang siøf hør hviw, ciaq e zhoaxtiøh ciahni hør ee bor.
伊一定是頂世人燒好香，才會娶著遮爾好的某。

🗣 Laang korng, "Zørtiøh phvae zhaan bang e tafng, zhoaxtiøh phvae bor cidsielaang. " Soarn tuiesiong bagciw tiøh peq ho kym, ciaq be cidsielaang kankhofzexkoax.
人講：「做著歹田望下冬，娶著歹某一世人。」選對象目睭著擘予金，才袂一世人艱苦罪過。

🗣 Lie cincviax si zhoaxtiøh cidee hør bor.
你真正是娶著一个好某。

🗣 Sioggie korng, "Kankhor thaau, khvuieoah boea. " Ahoad zu koksiør zhutgiap liawau tø toex laang khix zøx thozuie, kutlat tharncvii laai chi kuikehoefar, thvikongpeq`ar ia cyn thviarsiøq`y, ho y zhoaxtiøh goaxn'ix zørhoea phahpviax ee suie bor, køq taqtiøh hør siky kaq laang habkor khyzhux tharntiøh cvii, nng ee gyn'ar ma cyn iwhaux køq u zaizeeng, ho y wnsim'ar thezar theahiw, kaq yn khanchiuo taotin khix iusan'oafnsuie.
俗語講：「艱苦頭，快活尾。」阿發自國小出業了後就綴人去做塗水，骨力趁錢來飼規家伙仔，天公伯仔也真疼惜伊，予伊娶著願意做伙拍拚的媠某，閣踏著好時機佮人合股起厝趁著錢，兩个囡仔嘛真有孝閣有才情，予伊穩心仔提早退休，佮 牽手鬥陣去遊山玩水。