Taiwanese–English dictionaries full-text search


  [Help]
Number zero (0) may be used in place of ø in autocomplete.
Input was: 9.
DFT (32)
🗣 Bagciw khvoax ti køea, khaf taqtiøh høea. 🗣 (u: Bak'ciw khvoax ti koea, khaf tah'tiøh hoea. Bak'ciw khvoax ti køea, khaf tah'tiøh høea. ⬆︎ ) 目睭看佇粿，跤踏著火。 [wt][mo][[MK]] Ba̍k-tsiu khuànn tī kué, kha ta̍h-tio̍h hué. [#]
1. () || 眼睛看著糕品，腳踩到火。用來勸人做事不要只顧當前的好處，而忘了週遭的危險，以免身陷險境而不知。
🗣le: (u: Pag'hae'hvoa ee siao'kao'erng cyn khiorng'pox, tak'nii lorng u laang ho y kar`khix, m'køq tiøx'hii ee laang phaq'sie bøo thex, laang korng, “Bak'ciw khvoax ti koea, khaf tah'tiøh hoea.” Yn lorng m zay thafng kviaf.) 🗣 (北海岸的痟狗湧真恐怖，逐年攏有人予伊絞去，毋過釣魚的人拍死無退，人講：「目睭看佇粿，跤踏著火。」𪜶攏毋知通驚。) (北海岸的瘋狗浪很恐怖，每年都有人被它捲走，不過釣魚的人打死不退，人家說「眼睛看著糕品，腳踩到火」，他們都不知道該害怕。)
🗣le: (u: Y khvoax'tiøh lo tiofng'ngf u cit'paq khof kvoar'kirn beq khix khiøq, hiarm'hiarm'ar khix ho chiaf loxng`tiøh, cyn'cviax si “bak'ciw khvoax ti koea, khaf tah'tiøh hoea”.) 🗣 (伊看著路中央有一百箍趕緊欲去抾，險險仔去予車挵著，真正是「目睭看佇粿，跤踏著火」。) (他看見路中央有一百塊錢急著要去撿，險些被車子撞了，真是「眼睛看著糕品，腳踩到火」。)
🗣 Bøo thafng zhvef ciah, nar u thafng phagkvoaf./Bøo thafng chvy ciah, nar u thafng phagkvoaf. 🗣 (u: Bøo thafng zhvef/chvy ciah, nar u thafng phak'kvoaf. ⬆︎ ) 無通生食，哪有通曝乾。 [wt][mo][[MK]] Bô thang tshenn tsia̍h, ná ū thang pha̍k-kuann. [#]
1. () || 生吃都不夠，哪能晒成乾？比喻數量不足，不可能有多餘的留下來。也指個人或家計窘困，沒有餘錢作額外支出。
🗣le: (u: Sid'giap kuy'nii, ciah svaf tngx tøf u bun'tee`aq, y tø ka teng'zuun niar`zhud'laai, laang korng “bøo thafng zhvef ciah, nar u thafng phak'kvoaf”, bak'ciw'zeeng ee sefng'oah khaq iaux'kirn, au'pae ee jit'cie be'kox`tid`loq.) 🗣 (失業規年，食三頓都有問題矣，伊就共定存領出來，人講「無通生食，哪有通曝乾」，目睭前的生活較要緊，後擺的日子袂顧得囉。) (失業經年，三餐都成問題了，他就把定存領出來，人家說「生吃都不夠，哪能晒成乾」，眼前的生活比較重要，以後的日子顧不到了。)
🗣le: (u: Goarn afng cid'zam'ar bøo thaau'lo, pør'hiarm kofng'sy ee giap'bu'oaan soaq laai ciøf y jip pør'hiarm, y hien'zhuo'sii tøf “bøo thafng zhvef ciah, nar u thafng phak'kvoaf”, beq tør svef cvii laai taau'pør`leq?) 🗣 (阮翁這站仔無頭路，保險公司的業務員煞來招伊入保險，伊現此時都「無通生食，哪有通曝乾」，欲佗生錢來投保咧？) (我先生這陣子失業，保險公司的業務員還來邀他參加保險，他現在是「生吃都不夠，哪能晒成乾」，哪裡有多餘的錢來投保呢？)
近義：
  1. Zhvef ciah tøf bøkaux, nar u thafng phagkvoaf., 生食都無夠，哪有通曝乾。
🗣 Chiefn sngx ban sngx, mxtat thvy cit oeh./Chiefn sngx ban sngx, mxtat thvy cit uih. 🗣 (u: Chiefn sngx ban sngx, m'tat thvy cit oeh/uih. ⬆︎ ) 千算萬算，毋值天一劃。 [wt][mo][[MK]] Tshian sǹg bān sǹg, m̄-ta̍t thinn tsi̍t ue̍h. [#]
1. () || 形容人百般算計仍敵不過老天爺的輕輕一筆，把之前的努力都一筆勾銷。說明人再如何汲汲營營算計，遇見天災或意外，還是不敵自然的力量。也指人的經營算計不敵命運的捉弄。
🗣le: (u: Laang korng, “Chiefn sngx ban sngx, m'tat thvy cit oeh.” Køq'khaq toa kefng ee zhux, na tuo'tiøh chid kib ee toa te'tang, ma si hoaq tør tø tør, cit'tiarm'ar tøf be'axn'sngx`tid.) 🗣 (人講：「千算萬算，毋值天一劃。」閣較大間的厝，若拄著七級的大地動，嘛是喝倒就倒，一點仔都袂按算得。) (人們說：「人算不如天算。」再大的房子，一遇到七級強震，仍然經不起侵襲而倒塌，完全無法防範。)
近義：
  1. , 人𠢕，天咧做對頭。
  2. , 𠢕算，毋值拄搪。
🗣 Chienkym bøea zhux, ban kym bøea zhuopvy. 🗣 (u: Chiefn'kym bea zhux, ban kym bea zhux'pvy. Chiefn'kym bøea zhux, ban kym bøea zhux'pvy. ⬆︎ ) 千金買厝，萬金買厝邊。 [wt][mo][[MK]] Tshian-kim bé tshù, bān kim bé tshù-pinn. [#]
1. () || 千金買房子，萬金買好鄰居。形容敦親睦鄰之重要，或指擇鄰而處，好的鄰居對居住品質的影響很大。
🗣le: (u: Siok'gie korng, “Chiefn'kym bea zhux, ban kym bea zhux'pvy.” Zoex'kin sviu'beq bea zhux, khvoax zhux ee sii, lorng ma cym'ciog thaxm'thviaf zhux'pvy si sviar'miq khoarn laang, na u hør zhux'pvy, ciaq kvar bea`løh'laai.) 🗣 (俗語講：「千金買厝，萬金買厝邊。」最近想欲買厝，看厝的時，攏嘛斟酌探聽厝邊是啥物款人，若有好厝邊，才敢買落來。) (俗話說：「千金買屋，萬金買鄰。」最近想要買房子，看房子的時候，都會仔細打聽鄰居到底是怎麼樣的人，若有好鄰居，才敢買下來。)
🗣le: (u: Zoex'kin goar pvoaf'laai zngf'khaf toax, na u hør'ciah mih, goar tø kvoa'khix saxng zhux'pvy. Yn ma tvia'tvia saxng yn kaf'ki zexng ee zhvef'zhaix, koea'cie laai ho`goar. Laang korng “chiefn'kym bea zhux, ban kym bea zhux'pvy”, larn tiøh kaq zhux'pvy'thaau'boea hør'hør'ar kaw'poee!) 🗣 (最近我搬來庄跤蹛，若有好食物，我就捾去送厝邊。𪜶嘛定定送𪜶家己種的青菜、果子來予我。人講「千金買厝，萬金買厝邊」，咱著佮厝邊頭尾好好仔交陪！) (最近我搬到鄉下住，若有好吃的食物，我就拿去送給隔壁鄰居。他們也常常送他們自己種的蔬菜、水果給我。人家說：「千金買屋，萬金買鄰」，我們得跟鄰居好好交往！)
🗣le: (u: Goarn zhux suy'jieen ku'ku`ar, m'køq zhux'pvy lorng cyn hør taux'tin, køq lorng e ho'siofng khvoax'thaau'khvoax'boea, “chiefn'kym bea zhux, ban kym bea zhux'pvy”, goarn ciaf ee khoaan'kerng pie zhux khaq u kex'tat.) 🗣 (阮厝雖然舊舊仔，毋過厝邊攏真好鬥陣，閣攏會互相看頭看尾，「千金買厝，萬金買厝邊」，阮遮的環境比厝較有價值。) (我家的房子雖然有點舊，不過鄰居都很好相處，大家還都會互相關照，「千金買屋，萬金買鄰」，我們這裡的環境比房子更有價值。)
近義：
  1. Bøea zhux, bøea zhuopvy., 買厝，買厝邊。
🗣 Chitgøeqpvoax ah'ar, m zay syoah. 🗣 (u: Chid'goeh'pvoax aq'ar, m zay sie'oah. Chid'gøeh'pvoax aq'ar, m zay sie'oah. ⬆︎ ) 七月半鴨仔，毋知死活。 [wt][mo][[MK]] Tshit-gue̍h-puànn ah-á, m̄ tsai sí-ua̍h. [#]
1. () || 七月半的鴨子，不知死活。七月半指農曆7月15日，也就是「中元普渡」，為臺灣民間信仰祭拜孤魂野鬼的日子。民間信仰中雞是祭神的供品，拜鬼只能用鴨子，故有此說。形容人沒有憂患意識，不知大難臨頭。
🗣le: (u: Sii'ky bøo hør, tak'kef lorng kviaf e khix ho laang thaai'thaau, m kvar zherng'kar, zorng`si ma u laang “chid'goeh'pvoax aq'ar, m zay sie'oah”, køq kvar zherng'kar zherng pvoax køx goeh khix kog'goa chid'thøo.) 🗣 (時機無好，逐家攏驚會去予人刣頭，毋敢請假，總是嘛有人「七月半鴨仔，毋知死活」，閣敢請假請半個月去國外𨑨迌。) (景氣不好，大家都怕被裁員，不敢請假，不過也有人像是「七月半的鴨子，不知死活」，還敢請假半個月去國外旅遊。)
🗣 Chiuo phø haijii, ciaq zay pexbuo sii. 🗣 (u: Chiuo phø haai'jii, ciaq zay pe'buo sii. ⬆︎ ) 手抱孩兒，才知爸母時。 [wt][mo][[MK]] Tshiú phō hâi-jî, tsiah tsai pē-bú sî. [#]
1. () || 親手抱著自己的小孩時，才能夠真正體會為人父母養育兒女的不易與辛勞。勸人要感念父母的養育之恩，孝順父母。
🗣le: (u: AF'beeng korng yn kviar axm'sii lorng aix y phø leq khuxn, u'kaux thiarm`ee, thviaf yn pe'buo korng y sex'haxn ma cyn phvae iøf'chi, cid'mar cyn'cviax si “chiuo phø haai'jii, ciaq zay pe'buo sii”.) 🗣 (阿明講𪜶囝暗時攏愛伊抱咧睏，有夠忝的，聽𪜶爸母講伊細漢嘛真歹育飼，這馬真正是「手抱孩兒，才知爸母時」。) (小明說他兒子晚上都要他抱著睡覺，真夠累的，聽他父母說他小時候也不好帶，現在真的是「有了孩子，才知道當父母不易」。)
近義：
  1. Siangchiuo phø haijii, ciaq zay pexbuo sii., 雙手抱孩兒，才知爸母時。
🗣 cidpvoare'ar 🗣 (u: cit'pvoax'ee'ar ⬆︎ ) 一半个仔 [wt][mo][[MK]] tsi̍t-puànn-ê-á [#]
1. (N) || 幾個、一兩個、少數幾個。
🗣le: (u: U cit'pvoax'ee'ar laang'kheq cyn gaau hiaam'tafng'hiaam'say.) 🗣 (有一半个仔人客真𠢕嫌東嫌西。) (有一兩個客人很會嫌東嫌西。)
🗣 Cit ciaq satbør poxng kaq zuyguu toa./Cit ciaq satbuo poxng kaq zuyguu toa. 🗣 (u: Cit ciaq sad'bør/buo poxng kaq zuie'guu toa. ⬆︎ ) 一隻蝨母嗙甲水牛大。 [wt][mo][[MK]] Tsi̍t tsiah sat-bó pòng kah tsuí-gû tuā. [#]
1. () || 一隻小蝨子誇大成大水牛。意指小小的東西或事情，誇大其辭，說得天花亂墜。比喻言過其實。
🗣le: (u: Girn'ar ciaq kiøx cit sviaf “af'paq” nia'nia, lau'pe tø “cit ciaq sad'bør poxng kaq zuie'guu toa”, korng yn kviar sviar'miq oe tøf e'hiao korng, zef karm u'viar si cyn`ee?) 🗣 (囡仔才叫一聲「阿爸」爾爾，老爸就「一隻蝨母嗙甲水牛大」，講𪜶囝啥物話都會曉講，這敢有影是真的？) (小嬰兒才喊一聲「爸爸」而已，做父親的人就把「一隻小蝨子說成大水牛」，誇張到說他兒子什麼話都會說，這難道是真的嗎？)
🗣 Cit ee cvii phaq jixzabsix ee kad. 🗣 (u: Cit ee cvii phaq ji'zap'six ee kad. ⬆︎ ) 一个錢拍二十四个結。 [wt][mo][[MK]] Tsi̍t ê tsînn phah jī-tsa̍p-sì ê kat. [#]
1. () || 一個錢打二十四個結。譏諷人吝於用錢，視財如命。
🗣le: (u: Y zøx'laang cyn taxng'sngf, “cit ee cvii phaq ji'zap'six ee kad”, lorng kafn'naf beq ka laang phvy, m bad korng beq chviar`laang.) 🗣 (伊做人真凍霜，「一个錢拍二十四个結」，攏干焦欲共人偏，毋捌講欲請人。) (他為人小氣，「荷包看得緊緊的」，都只想佔人便宜，從來沒說過要請客。)
🗣 Cit liap zhanlee zuo kao voafkofng thngf. 🗣 (u: Cit liap zhaan'lee zuo kao voar'kofng thngf. ⬆︎ ) 一粒田螺煮九碗公湯。 [wt][mo][[MK]] Tsi̍t lia̍p tshân-lê tsú káu uánn-kong thng. [#]
1. () || 一隻田螺煮九海碗湯。形容生活貧苦，或比喻沒有真材實料，只是灌水充數。
🗣le: (u: Kor'zar niuu'sit khoeq'khiaxm ee sii, zuo moee si kuie liap bie, cit'koar hafn'cii'chiafm'kvoaf zhafm cit toa khvaf zuie, “cit liap zhaan'lee zuo kao voar'kofng thngf”, beq kof cit liap png'liap'ar tø chyn'chviu hae'tea bofng ciafm, cyn øq`laq!) 🗣 (古早糧食缺欠的時，煮糜是幾粒米、一寡番薯簽乾摻一大坩水，「一粒田螺煮九碗公湯」，欲罟一粒飯粒仔就親像海底摸針，真僫啦！) (從前糧食匱乏的時代，煮稀飯是幾粒米、一些番薯簽乾加一大鍋的水，「一粒田螺煮九海碗湯」，要撈到一粒米粒就像海底撈針，好難啊！)
🗣le: (u: Svaf nng kux tø korng e zhefng'zhør ee oe, soaq siar kaq kuy toa phvy, lorng zoaan bøo'lo'eng oe, cyn'cviax si “cit liap zhaan'lee zuo kao voar'kofng thngf”.) 🗣 (三兩句就講會清楚的話，煞寫甲規大篇，攏全無路用話，真正是「一粒田螺煮九碗公湯」。) (兩三句就可以講清楚的話，寫得長篇大論，全都是廢話，真是「一顆田螺煮九碗湯」。)
🗣 Cit nii voa jixzabsix ee thaukef. 🗣 (u: Cit nii voa ji'zap'six ee thaau'kef. ⬆︎ ) 一年換二十四个頭家。 [wt][mo][[MK]] Tsi̍t nî uānn jī-tsa̍p-sì ê thâu-ke. [#]
1. () || 一年換了二十四個雇主。形容人做事沒有定性，無法專心學習，時常換工作，最後一事無成。
🗣le: (u: Siaux'lieen'laang aix u teng'sexng, m'thafng “cit nii voa ji'zap'six ee thaau'kef”, tvia'tvia teq voa thaau'lo, arn'nef beq nar e u zhud'thoad?) 🗣 (少年人愛有定性，毋通「一年換二十四个頭家」，定定咧換頭路，按呢欲哪會有出脫？) (年輕人要有定性，不要「一年換二十四個雇主」，老是在換工作，這樣怎麼會有出息？)
近義：
  1. Cit jit soafzay, svaf jit khiaxngg., 一日徙栽，三日徛黃。
  2. Zabji svesviux pviethaothaux., 十二生相變透透。
  3. , 搬岫雞母生無卵。
🗣 Hiepvee-khaf khia kuo tø si lie ee./Hiepvii-khaf khia kuo tø si lie ee. 🗣 (u: Hix'pvee/pvii-khaf khia kuo tø si lie ee. ⬆︎ ) 戲棚跤徛久就是你的。 [wt][mo][[MK]] Hì-pênn-kha khiā kú tō sī lí ê. [#]
1. () || 戲臺下站久了就是你的。勸人做事要有耐性，如能持之以恆，成功必屬於你的。
🗣le: (u: Larn zøx tai'cix aix u nai'sym, m'thafng kviaf kafn'khor, laang korng “hix'pvee'khaf khia kuo tø si lie ee”, na e'taxng kiefn'chii kaux'tea, siofng'sixn larn id'teng e seeng'kofng.) 🗣 (咱做代誌愛有耐心，毋通驚艱苦，人講「戲棚跤徛久就是你的」，若會當堅持到底，相信咱一定會成功。) (我們做事要有耐心，不要怕艱難，人家說「有志者事竟成」，如果能堅持到底，相信我們一定會成功。)
🗣 Id chieen, ji ieen, svaf suie, six siaolieen. 🗣 (u: Id chieen, ji ieen, svaf suie, six siaux'lieen. ⬆︎ ) 一錢，二緣，三媠，四少年。 [wt][mo][[MK]] It tshiân, jī iân, sann suí, sì siàu-liân. [#]
1. () || 首先有錢，其次人見人愛，再來英俊，接著是年輕。相傳舊時男性追求女性的基本條件。
🗣le: (u: AF'gi si hør'giah kofng'zuo, laang'pan køq be'bae, u hah zaf'bor'laang kerng afng “id chieen, ji ieen, svaf suie, six siaux'lieen” ee iaux'kvia, m'ciaq u ciog ze moee'laang'pøo lorng beq laai ka y zøx'chyn'cviaa.) 🗣 (阿義是好額公子，人範閣袂䆀，有合查某人揀翁「一錢，二緣，三媠，四少年」的要件，毋才有足濟媒人婆攏欲來共伊做親情。) (阿義是富家子弟，長相又好，很符合女孩子擇偶「有錢、有人緣、帥氣又年輕」的四大要件，也難怪有許多媒婆一直穿梭想撮合親事。)
2. () || 另有一說是現代人選女婿的四要件。
🗣le: (u: Y bøo zor'kofng'ar'sae thafng tix'ixm, lorng sixn'khøx y kaf'ki ee zaai'zeeng, tøf boe svaf'zap tø u cviaa eg ee kef'hoea, laang køq svef'zøx løx'khaf sw'buun, tø si laang korng ee “id chieen, ji ieen, svaf suie, six siaux'lieen”, bok'koaix hiaf'ee khix'giap'kaf lorng siøf'zvef beq ka zaf'bor'kviar zøx ho`y.) 🗣 (伊無祖公仔屎通致蔭，攏信靠伊家己的才情，都未三十就有成億的家伙，人閣生做躼跤斯文，就是人講的「一錢，二緣，三媠，四少年」，莫怪遐的企業家攏相爭欲共查某囝做予伊。) (他沒有祖先家業可以倚靠庇護，完全靠著自己的才能，還沒三十歲就有上億的財產，人還長得高大斯文，就是所謂的「有錢、有人緣、帥氣又年輕」，難怪那些企業家都想要將自己的女兒嫁給他。)
🗣 Imthym-imthym, ka laang svaf zhuxn chym. 🗣 (u: Ym'thym-ym'thym, ka laang svaf zhuxn chym. ⬆︎ ) 陰鴆陰鴆，咬人三寸深。 [wt][mo][[MK]] Im-thim-im-thim, kā lâng sann tshùn tshim. [#]
1. () || 性格陰險的人工於心計，平時不動聲色，一旦發狠咬人，就會咬得很深，毫不留情。勸戒人要謹防陰險狠毒之徒。
🗣le: (u: Y cid ee laang tiam'tiam`ar m'køq cyn kafn'khiao, thviaf'korng sym'kvoaf køq pud'cie'ar og'tok, siok'gie korng, “Ym'thym'ym'thym, ka laang svaf zhuxn chym.” Lie na cviaa'sit beq ciøf y hap'kor zøx'sefng'lie, chiefn'ban tiøh'aix sex'ji`neq!) 🗣 (伊這个人恬恬仔毋過真奸巧，聽講心肝閣不止仔惡毒，俗語講：「陰鴆陰鴆，咬人三寸深。」你若誠實欲招伊合股做生理，千萬著愛細膩呢！) (他這個人安安靜靜但陰險狡猾，聽說心腸還非常壞，俗話說：「平時不動聲色，一旦發狠咬人，就會咬得很深，毫不留情。」你若真的想邀他合夥做生意，千萬要小心啊！)
近義：
  1. Øe ka`laang ee kao bøe pui., 會咬人的狗袂吠。
🗣 Kax ty kax kao, putjuu ka'ki zao. 🗣 (u: Kax ty kax kao, pud'juu kaf'ki zao. ⬆︎ ) 教豬教狗，不如家己走。 [wt][mo][[MK]] Kà ti kà káu, put-jû ka-kī tsáu. [#]
1. () || 支使豬支使狗，不如自己跑。比喻與其依靠別人不如靠自己，亦即求人不如求己。
🗣le: (u: Puxn'søx'chiaf laai`aq, af'buo kiøx Beeng`ar khix pviax puxn'søx, y soaq korng y teq siar kofng'khøx, af'buo khix kaq nar jiog puxn'søx'chiaf nar liam, “Kax ty kax kao, pud'juu kaf'ki zao.”) 🗣 (糞埽車來矣，阿母叫明仔去摒糞埽，伊煞講伊咧寫功課，阿母氣甲那逐糞埽車那唸：「教豬教狗，不如家己走。」) (垃圾車來了，媽媽叫阿明去倒垃圾，他卻說他在寫功課，媽媽氣得一邊追垃圾車一邊唸：「支使豬支使狗，不如自己跑。」)
近義：
  1. Ka'ki zay cit zaang, khaq viaa khvoax padlaang., 家己栽一欉，較贏看別人。
  2. Khøx svoaf svoaf øe pafng, khøx zuie zuie øe taf., 靠山山會崩，靠水水會焦。
🗣 Khihzhuix`ee ciah byhurn——khvoarhiexnhien. 🗣 (u: Khiq'zhuix`ee ciah bie'hurn——khvoax'hien'hien. ⬆︎ ) 缺喙的食米粉——看現現。 [wt][mo][[MK]] Khih-tshuì--ê tsia̍h bí-hún——khuànn-hiān-hiān. [#]
1. () || 兔脣的人吃米粉，被看得清清楚楚。引申為虛偽或技拙者的所作所為，無所遁形讓人一目了然。
🗣le: (u: Peeng'sox'sii y tø cyn gaau phoxng'hofng køq gaau korng'peh'zhat, khvoax y korng kaq zhuix'kag zoaan phøf, goarn lorng zay'viar bøo cit kux si sit'zai'oe, cviax'karng si “khiq'zhuix`ee ciah bie'hurn──khvoax'hien'hien”.) 🗣 (平素時伊就真𠢕膨風閣𠢕講白賊，看伊講甲喙角全泡，阮攏知影無一句是實在話，正港是「缺喙的食米粉──看現現」。) (他平常就很會吹牛和說謊，看他說得頭頭是道，我們都知道沒有一句是真的，真的是「兔脣者吃米粉──被看得一清二楚」。)
🗣 Koklip Taioaan Gexsut Kaoiogkoarn 🗣 (u: Kog'lip Taai'oaan Ge'sut Kaux'iok'koarn ⬆︎ ) 國立臺灣藝術教育館 [wt][mo][[MK]] Kok-li̍p Tâi-uân Gē-su̍t Kàu-io̍k-kuán [#]
1. () || 臺北(附錄－地名－文教處所)
🗣 Koklip Taioaan Khø'hak Kaoiog'vi 🗣 (u: Kog'lip Taai'oaan Khøf'hak Kaux'iok'vi ⬆︎ ) 國立臺灣科學教育院 [wt][mo][[MK]] Kok-li̍p Tâi-uân Kho-ha̍k Kàu-io̍k-īnn [#]
1. () || 臺北(附錄－地名－文教處所)
🗣 Køef sae løh thoo, ia u svaf zhuxn iefn. 🗣 (u: Kef sae løh thoo, ia u svaf zhuxn iefn. Køef sae løh thoo, ia u svaf zhuxn iefn. ⬆︎ ) 雞屎落塗，也有三寸煙。 [wt][mo][[MK]] Ke sái lo̍h thôo, iā ū sann tshùn ian. [#]
1. () || 雞屎落地，也有三寸煙。意為即便是微小不堪的雞屎，剛剛掉落地上時也會揚起一陣熱熱的煙氣，何況是做人，更要有志氣。
🗣le: (u: Laang khvoax larn bøo, larn tiefn'tøx aix khaq phaq'pviax. Siok'gie korng, “Kef'sae løh'thoo, ia u svaf zhuxn iefn.” Larn na e ciarng'cix, laang tø m kvar khvoax'soef`larn.) 🗣 (人看咱無，咱顛倒愛較拍拚。俗語講：「雞屎落塗，也有三寸煙。」咱若會長志，人就毋敢看衰咱。) (人家看不起我們，我們反而要更努力。俗話說：「雞屎落地，也有三寸煙。」我們要是能奮發向上，人家就不敢把我們看扁了。)
🗣le: (u: Laang zhud'six tø u hør'giah'saxn ee zhaf'piet, m'køq laang korng “kef'sae løh'thoo, ia u svaf zhuxn iefn”, saxn'chiaq girn'ar u cix'khix, køq'khaq e ho laang øf'lør.) 🗣 (人出世就有好額散的差別，毋過人講「雞屎落塗，也有三寸煙」，散赤囡仔有志氣，閣較會予人呵咾。) (人出生就有貧富不均的差別，不過人家說「雞屎落地，也有三寸煙」，窮人家小孩有志氣，更會受人稱讚。)
🗣 Laang khafn m kviaa, kuie khafn liuoliuokviaa. 🗣 (u: Laang khafn m kviaa, kuie khafn liux'liux'kviaa. ⬆︎ ) 人牽毋行，鬼牽溜溜行。 [wt][mo][[MK]] Lâng khan m̄ kiânn, kuí khan liù-liù-kiânn. [#]
1. () || 對於好人的指引置之不理，反而在壞人的引誘下亦步亦趨。形容人是非不分，正事不做，偏要做壞事。
🗣le: (u: Hid khof phvae'kviar “laang khafn m kviaa, kuie khafn liux'liux'kviaa”, e'pvoax'six'laang lorng aix kvoay ti loong'ar'lai ciah biern'cvii'png`aq.) 🗣 (彼箍歹囝「人牽毋行，鬼牽溜溜行」，下半世人攏愛關佇櫳仔內食免錢飯矣。) (那個壞胚子「好的不學，盡學壞的」，下半輩子都得關在監獄裡吃免費的牢飯了。)
🗣 Laang na soef, zexng puar svef zhaekoef./Laang na soef, zexng puar svy zhaekoef. 🗣 (u: Laang na soef, zexng puu'ar svef/svy zhaix'koef. ⬆︎ ) 人若衰，種匏仔生菜瓜。 [wt][mo][[MK]] Lâng nā sue, tsìng pû-á senn tshài-kue. [#]
1. () || 人若倒楣，種匏瓜也會長出絲瓜。比喻人的運氣不佳，老是事與願違。
🗣le: (u: Zoex'kin ciog phvae'un, beq ciah zhaix'thaau'thngf, khix bea'tiøh pong'sym ee zhaix'thaau; beq khix thix'thaau, thix'thaau'tiaxm bøo khuy'mngg, u'viar si “laang na soef, zexng puu'ar svef zhaix'koef”.) 🗣 (最近足歹運，欲食菜頭湯，去買著蓬心的菜頭；欲去剃頭，剃頭店無開門，有影是「人若衰，種匏仔生菜瓜」。) (最近運氣很糟，想喝蘿蔔湯，竟買到空心的蘿蔔；想去理髮，理髮店沒開門，真的是「人一倒楣，種匏瓜也會長出絲瓜」。)
🗣 Liuliuchiuchiw, ciah nng luie bagciw. 🗣 (u: Liw'liw'chiw'chiw, ciah nng luie bak'ciw. ⬆︎ ) 溜溜瞅瞅，食兩蕊目睭。 [wt][mo][[MK]] Liu-liu-tshiu-tshiu, tsia̍h nn̄g luí ba̍k-tsiu. [#]
1. () || 人靠靈活的雙眼觀察外界，以求存活。說明人在社會上要會察言觀色，審時度勢，隨機應變，才能立足。
🗣le: (u: Zøx'sefng'lie, bin'tuix laang'kheq, “liw'liw'chiw'chiw, ciah nng luie bak'ciw”, aix zay'viar piexn'khiaux, ho laang'kheq moar'ix, sefng'lie ciaq zøx e kaf'iah.) 🗣 (做生理，面對人客，「溜溜瞅瞅，食兩蕊目睭」，愛知影變竅，予人客滿意，生理才做會交易。) (做生意，面對顧客，「要會察言觀色」，隨機應變，讓顧客滿意，生意才能做得興旺。)
🗣 Phaq hor liah zhat ia tiøh chyn hviati. 🗣 (u: Phaq hor liah zhat ia tiøh chyn hviaf'ti. ⬆︎ ) 拍虎掠賊也著親兄弟。 [wt][mo][[MK]] Phah hóo lia̍h tsha̍t iā tio̍h tshin hiann-tī. [#]
1. () || 打老虎和捉賊都是危及性命的事情，只有親兄弟才能齊力同心，一同出生入死。喻手足之情最為可靠。
🗣le: (u: Laang korng, “Phaq hor liah zhat ia tiøh chyn hviaf'ti.” Larn kaq u'ieen zøx chyn hviaf'ti`aq, taang'zee phaq'pviax, ho'siofng kor'le, tvia'tiøh e to'koex cid ee laan'koafn.) 🗣 (人講：「拍虎掠賊也著親兄弟。」咱甲有緣做親兄弟矣，同齊拍拚、互相鼓勵，定著會度過這个難關。) (人家說：「手足之情最為可靠。」我們既然有緣當親兄弟了，一起打拼、互相鼓勵，一定能度過這個難關。)
近義：
  1. Hviati na kang sym, othoo piernseeng kym., 兄弟若仝心，烏塗變成金。
🗣 Phvae koef kauxcie, phvaylaang kau giengie./Phvae koef kauxcie, phvaylaang kau gienguo. 🗣 (u: Phvae koef kau'cie, phvae'laang kau gieen'gie/guo. ⬆︎ ) 歹瓜厚子，歹人厚言語。 [wt][mo][[MK]] Pháinn kue kāu-tsí, pháinn-lâng kāu giân-gí. [#]
1. () || 壞瓜籽多，壞人話多。用來諷刺多話或是善於搬弄是非的人。
🗣le: (u: Lie m'thafng hiaq kau'oe, cit ky zhuix korng be soaq, lie bøo thviaf laang korng, “Phvae koef kau'cie, phvae'laang kau gieen'gie.”) 🗣 (你毋通遐厚話，一支喙講袂煞，你無聽人講：「歹瓜厚子，歹人厚言語。」) (你別這麼愛說話，一張嘴巴說個不停，你沒聽人家說：「壞瓜籽多，壞人話多。」)
🗣le: (u: Y køq teq korng laang ee phvae'oe`aq, yn lau'buo tø me y “phvae koef kau'cie, phvae'laang kau gieen'gie”, y ciu'arn'nef tiam`khix.) 🗣 (伊閣咧講人的歹話矣，𪜶老母就罵伊「歹瓜厚子，歹人厚言語」，伊就按呢恬去。) (他又在說別人的壞話了，他媽媽罵他「壞瓜籽多，壞人話多」，他就閉嘴了。)
🗣 Saxng y hii, khahsw kax y liah hii. 🗣 (u: Saxng y hii, khaq'sw kax y liah hii. ⬆︎ ) 送伊魚，較輸教伊掠魚。 [wt][mo][[MK]] Sàng i hî, khah-su kà i lia̍h hî. [#]
1. () || 送他魚，不如教他捕魚。比喻與其救濟或幫助他人，不如教他謀生的能力。
🗣le: (u: Siok'gie korng, “Saxng y hii, khaq'sw kax y liah hii.” Lie na beq ka y taux'svaf'kang, tø kax y cit'koar'ar kafng'hw khaq sit'zai.) 🗣 (俗語講：「送伊魚，較輸教伊掠魚。」你若欲共伊鬥相共，就教伊一寡仔工夫較實在。) (俗話說：「給他魚吃，不如教他釣魚。」你若想要幫他，就教他一些本領比較實際。)
🗣 Sie hongtex mxtadtid oah khitciah. 🗣 (u: Sie hoong'tex m'tat'tid oah khid'ciah. ⬆︎ ) 死皇帝毋值得活乞食。 [wt][mo][[MK]] Sí hông-tè m̄-ta̍t-tit ua̍h khit-tsia̍h. [#]
1. () || 去世的皇帝，比不上還活著的乞丐。勉勵人要珍惜生命，窮苦活著總比富貴死去還要強。
🗣le: (u: Lie chiefn'ban m'thafng ui'tiøh cit'sii sid'pai laai kviaa'tea'lo, laang korng, “Sie hoong'tex m'tat'tid oah khid'ciah.” Phvae'un zorng`si e koex`khix, oah`leq bi'laai tø u hy'bang.) 🗣 (你千萬毋通為著一時失敗來行短路，人講：「死皇帝毋值得活乞食。」歹運總是會過去，活咧未來就有希望。) (你千萬不要為了一時的失敗而尋短，人們說：「好死不如賴活。」壞運氣總是會過去，活著未來就有希望。)
🗣 Taioaan Binsiok Paktaau Bunbudkoarn 🗣 (u: Taai'oaan Biin'siok Pag'taau Buun'but'koarn ⬆︎ ) 臺灣民俗北投文物館 [wt][mo][[MK]] Tâi-uân Bîn-sio̍k Pak-tâu Bûn-bu̍t-kuán [#]
1. () || 臺北(附錄－地名－文教處所)
🗣 Taixkahkhøef paxng zhawhii——u zurn bøo. 🗣 (u: Tai'kaq'khef paxng zhao'hii——u zurn bøo. Tai'kaq'khøef paxng zhao'hii——u zurn bøo. ⬆︎ ) 大甲溪放草魚——有準無。 [wt][mo][[MK]] Tāi-kah-khe pàng tsháu-hî——ū tsún bô. [#]
1. () || 在大甲溪邊流放魚苗，一旦放出去就不會回頭，形容東西離手了，就再也不會回來。比喻肉包子打狗，有去無回。
🗣le: (u: AF'gi si bøo'he'bøo'løh ee chid'thøo'ar, luie cvii si m bad heeng`laang`koex, lie tiøh'aix u hid khoarn “Tai'kaq'khef paxng zhao'hii──u zurn bøo” ee axn'sngx, ciaq thafng theh cvii khix ciøq`y.) 🗣 (阿義是無下無落的𨑨迌仔，壘錢是毋捌還人過，你著愛有彼款「大甲溪放草魚──有準無」的按算，才通提錢去借伊。) (阿義是個不負責任的小混混，向來借錢是從來不會還的，你得有那種「肉包子打狗──有去無回」的打算，才可以把錢拿去借給他。)
🗣 Thviterng Thvikofng, tøexe bwkuxkofng./Thviterng Thvikofng, tøexe bøfkuxkofng. 🗣 (u: Thvy'terng Thvy'kofng, te'e buo'ku'kofng. Thvy'terng Thvy'kofng, tøe'e buo/bør'ku'kofng. ⬆︎ ) 天頂天公，地下母舅公。 [wt][mo][[MK]] Thinn-tíng Thinn-kong, tē-ē bú-kū-kong. [#]
1. () || 天上地位最崇高的就屬玉皇大帝，而人世間則是舅舅。這說明了在臺灣舅舅的地位崇高，故每逢子女婚嫁時或有舅舅會出席的場合，都要請他坐大位。
🗣le: (u: Laang korng, “Thvy'terng Thvy'kofng, te'e buo'ku'kofng.” Lie tuix lirn af'ku aix khaq zwn'tiong`leq, au'pae zhoa'bor tiøh ngx y ze toa'ui, ciaq thexng'hør khuy'tøq`neq.) 🗣 (人講：「天頂天公，地下母舅公。」你對恁阿舅愛較尊重咧，後擺娶某著向伊坐大位，才聽好開桌呢。) (人們說：「天上的天公，人世間的舅舅都是最尊貴的。」對你舅舅要尊重一點，以後你娶老婆的時候還需要仰賴他來坐上位，才可以開席呢。)
🗣 Toa tviar bøe kurn, søex tviar chiangchiangkurn. 🗣 (u: Toa tviar boe kurn, sex tviar chiaang'chiaang'kurn. Toa tviar bøe kurn, søex tviar chiaang'chiaang'kurn. ⬆︎ ) 大鼎未滾，細鼎沖沖滾。 [wt][mo][[MK]] Tuā tiánn buē kún, sè tiánn tshiâng-tshiâng-kún. [#]
1. () || 大鍋裡的湯還沒滾，小鍋裡的湯就滾得要掀開鍋蓋了。也就是滿瓶水不響，半瓶水響叮噹，形容有才學的人話少，一知半解的人說個不停。
🗣le: (u: Larn zøx'laang tiøh'aix khiafm'py, m'thafng zhaux'phuix, ciaq be ho laang chiøx korng, “Toa tviar boe kurn, sex tviar chiaang'chiaang'kurn.”) 🗣 (咱做人著愛謙卑，毋通臭屁，才袂予人笑講：「大鼎未滾，細鼎沖沖滾。」) (我們做人得謙虛，別自吹自擂，才不會被別人笑說：「滿瓶水不響，半瓶水叮噹」。)
🗣 U viu khvoax viu, bøo viu ka'ki sviu. 🗣 (u: U viu khvoax viu, bøo viu kaf'ki sviu. ⬆︎ ) 有樣看樣，無樣家己想。 [wt][mo][[MK]] Ū iūnn khuànn iūnn, bô iūnn ka-kī siūnn. [#]
1. () || 有樣學樣，沒樣自己想。意為有榜樣可學就依樣畫葫蘆，否則就自己想辦法；或指除了模仿他人，也應自行創作。
🗣le: (u: Siok'gie korng, “U viu khvoax viu, bøo viu kaf'ki sviu.” Larn zøx tai'cix, tuu'liao zhafm'khør pat'laang ee kefng'giam, tuo'tiøh`ar ma e'sae kaf'ki sviu khvoax u pat ee po'sox`bøo, m'ciaq e cixn'po.) 🗣 (俗語講：「有樣看樣，無樣家己想。」咱做代誌，除了參考別人的經驗，拄著仔嘛會使家己想看有別的步數無，毋才會進步。) (俗話說：「有樣學樣，沒樣自己想。」我們做事，除了參考別人的經驗，偶爾也可以自己想想看有沒有別的招數，才會進步。)
🗣le: (u: Lie tuo zhud'sia'hoe khay'sie siong'pafn, m'thafng tak hang lorng kviaf'kviaf, laang korng “u viu khvoax viu, bøo viu kaf'ki sviu”, kef zøx`kuie'pae'ar tø e'hiao`aq.) 🗣 (你拄出社會開始上班，毋通逐項攏驚驚，人講「有樣看樣，無樣家己想」，加做幾擺仔就會曉矣。) (你剛出社會開始上班，不要事事都膽怯，人家說「依樣畫葫蘆，不然就自己想法子」，多做幾次就會了。)
🗣 Zabliam ta'kef zhud banphøee sinpu. 🗣 (u: Zap'liam taf'kef zhud baan'phoee syn'pu. Zap'liam taf'kef zhud baan'phøee syn'pu. ⬆︎ ) 雜唸大家出蠻皮新婦。 [wt][mo][[MK]] Tsa̍p-liām ta-ke tshut bân-phuê sin-pū. [#]
1. () || 婆婆嘮叨久了，媳婦就不在乎責罵。意即有嘮叨的長輩或上司，就會有頑固不化的晚輩或部屬。
🗣le: (u: Thaau'kef tvia'tvia cit ky zhuix seh'seh'liam, m'køq “zap'liam taf'kef zhud baan'phoee syn'pu”, kuo`laai e'khaf'chiuo'laang lorng baa'pix`khix`aq, bøo teq ka y sixn'tao.) 🗣 (頭家定定一支喙踅踅唸，毋過「雜唸大家出蠻皮新婦」，久來下跤手人攏麻痺去矣，無咧共伊信篤。) (老闆一張嘴常常念個不停，但「有嘮叨的上司，就會有不聽話的部屬」，久了底下的員工都麻木了，也不把他當一回事。)
近義：
  1. Ciap me bøe thviaf, ciap phaq bøe thviax., 捷罵袂聽，捷拍袂疼。

Taiwanese Dictionaries — Sources